Adroddiad 'Symud Ymlaen'

Archwiliodd yr ymchwil lwybrau addysgol yr holl bobl ifanc yn Lloegr a oedd yn 16 yn 2008, gan olrhain a oeddent wedi mynd i addysg uwch erbyn 2015 ai peidio. Ategwyd hyn gan ymatebion arolwg gan 212 o fyfyrwyr â phrofiad o ofal sydd mewn addysg uwch ar hyn o bryd.

Canfu’r astudiaeth fod 12 y cant o’r rhai sy’n gadael gofal wedi mynd i addysg uwch erbyn eu bod yn 23 oed – sy’n uwch na’r amcangyfrifon blaenorol o 6 y cant. Er bod hyn yn newyddion cadarnhaol, roedd y gyfradd cyfranogiad ar gyfer y rhai sy'n gadael gofal yn sylweddol is nag ar gyfer pobl ifanc eraill, sef 42 y cant. Mae hyn, i raddau helaeth, oherwydd y cymwysterau is y gall y rhai sy'n gadael gofal eu hennill yn yr ysgol yng nghyd-destun yr aflonyddwch yn eu bywydau.

Mae'n destun pryder bod y rhai sy'n gadael gofal mewn addysg uwch dros draean yn fwy tebygol o dynnu'n ôl na myfyrwyr tebyg, yn ogystal â bod yn fwy tebygol o gael oedi ac ailddechrau yn eu hastudiaethau. Fodd bynnag, roedd y rhai a gwblhaodd eu graddau yr un mor debygol o ennill gradd dosbarth cyntaf neu ail ddosbarth uwch â'u cyfoedion.

Lawrlwythwch yr adroddiad llawn yma - HERACLES Adroddiad terfynol

Lawrlwythwch grynodeb o'r adroddiad yma - Crynodeb o adroddiad Symud Ymlaen